Jinis Seratan

NAMA     :GABRIELLA IRAWATI P

NIM         :15205241002

KELAS    :PBD A 2105 UNY

JINISING SERATAN

Jinisipun seratan inngih menika :

1.      Persuasif

Persuasif inggih menika seratan ingkang ancasipun saged dadosaken pamaos sarujuk saha saged dherek utawi nglampahi menapa ingkang dados pendapatipun panyerat.

Tuladhanipun :

Praktik pidato iku gedhe banget mupangate. Saben praktik pidato iku mesthi duweni pengalaman kang paling nyengsemake ati. Saya kulina anggone praktik pidato, mbuh iku gladhen utawa praktik pidato temenan bakal saya akeh pengalaman batin kang diduweni. Saka pengalaman batin mau pamicara nemokake cara - cara pidato sing efektif lan nyenengake. Saya akeh daya pikat kang ditemokake lan saya kerep dipraktike, bakal saya akeh pengalaman pamaos. Wis ora mokal maneh yen praktik pidato iku kaya obat kuwat kanggo mangun rasa percaya diri. Yen rasa percaya diri mau wis gedhe, pamicara bisa ngayahi tugas kanthi tenang tanpa ana godha ( kaya rasa isin ), wedi lan grogi. percaya dhiri mau kang dadi modal pisanan kanggo nggayuh keberhasilan pidato. Mula supaya mahir lan trampil pidato, panjengan kudu nglakoni praktik pidato.

2. Argumentasi

Argumentatif inggih menika seratan ingkang saged narik kawigatosanipun pamaos supados tiyang ingkang maos sarujuk kaliyan panyeratipun.

Tuladhanipun :

NARKOBA

Narkoba yaiku singkatan saka Narkotika lan jamu berbahaya. Kajaba “Narkoba”, bebasan liya sing dikenalake  saka Departemen Kesehatan  Republik Indonesia yaiku NAPZA yaiku singkatan saka Narkotika, Psikotropika, lan Zat Adiktif.  Narkoba bisa marakne ketergantungan (adiksi) fisik lan psikologis.  Narkoba utawa NAPZA, sejatine  zat sing umume nduweni resiko kecanduan kanggo sing nganggo. Dampak sing paling fatal saka penyalahgunaan narkoba yaiku over dosis sing ngakibatke tiwas.

Padahal narkoba sing dikonsumsi terus terusan kanthi dosis sing ora padha bisa marakne rusake organ awak (kaya jantung, paru-paru, ati, ginjal, sistem saraf otak) sing mestine bisa ngrusak uripe remaja kesebut. Bangsa iki bisa kelangan remaja sing akeh banget akibat penyalahgunaan narkoba lan anane penyakit  HIV/AIDS. Upaya nyegah penyebaran narkoba ing kalangan  pelajar, wis sabecike dadi tanggung jawab awake dhewe kabeh. Data saka Badan Narkotika Nasional (BNN) nganti taun 2008 wae cacah pangguna narkoba ing Inonesia ana 3,2 yuta wong. Saka cacah iki 32% yaiku pelajar karo mahasiswa.

Aja tau gelem nyoba narkoba, amarga iku bisa ngrusak awak lan uripmu. Merga narkoba, urip isin mati ya isin.

3. Ekspresif

Ekspresif inggih menika seratan ingkang ancasipun ngandharaken menapa ingkang dipunraosaken dening pengarang.

Tuladhanipun :

Ing daleme simbah

 Badha niki kula sakaluarga badhe tindak mudik ing griyane simbah ing  Kaloran , Temanggung. Saking Semarang amung kalih jam perjalanan mawon, kula tindak mrika nitih sepeda motor lan dateng mrika dinten minggu. Senen ndalu  ing lataripun  simbah. kathah mercon ingkang werna - werni jenise dipunsumet, lan mbledos ing langit. Seneng ingkang nyawang mercon punika  nanging uninepun marai kaget simbah ingkang pun sepuh sanget.Ngantos tangganipun simbah kula ingkang lagi gerah medhal lan nyrengeni pakdhe kula kang tesih nyumet mercon wau. Dinten selasa  enjing kula lan adhi kula badhe sepedhaan, manawi mboten ngertos dalanipun , kula ngajak ibu lan bapak kula kangge mlampah - mlampah , nanging kula lan adhi kula nitih pit.

Ing sepanjang dalan kula pados ningali pemandangan  ingkang kathah kabut, kebonan nalika kula nyawang kali kula ningali bebek – bebek padha renang bebarengan.Ampun bebekipun lucu sanget buntutipun megal – megol ing toya ingkah tesih bening ing kali sembong aranipun. Ingkang ngandapipun kali sembong wonten sawah, kula lan adhi kula dados kepingin  irsani sawah saking cedak , manawi ing nduwur sawah punika wonten pancuran ingkang banyunipun asli mata air. Saking senengepun kula ampun kejeblos ing pancuran punika amarga lunyu sanget. kula lan kaluarga sempentaken foto – foto ing mrika, amargi pamandanganipun sae sanget.

4. Informatif

Informatif inggih menika seratan ingkang ancasipun nedahaken informasi utawi katrangan utawi pawarta kangge pamaos.

Tuladhanipun :

                                                       LELAYU

Assalamuallaikum wr,wb.

Innalillahi wainna illaihi roji’un 3x

Ngaturi uninga bilih dinten menika (Selasa Wage surya kaping 30 September 2016) MBAH MARTONO sampun kapundhut tillah rohmatillah. Mbok bilih para sedherek/saudhara hanggadhahi wekdal kula aturi takziah wonten dalemipun MBAH NASI. RT05 RW 01 dusun Gebog Kembang. Dene jenazahipun samangke kasarekaken  tabuh 11.00 siyang ing pasareyan umum desa Kembang. Matur nuwun.

Wassalamuallaikum wr, wb.

5. Estetis

Estetis inggih menika seratan ingkang ancasipun nedahaken kaendahan amargi tembung-tembungipun dipuntata.

Tuladhanipun :

Klobot
Pancen ya abot
Wong seneng wani ngotot
Jerune kaditemah ngowot
Mlaku sleyat-sleyot
Nututi peleme selak dipangan codhot

Geguritan menika kalebet seratan estetis amargi tetembunganipun ngemu purwakanthi swara satemah basanipun endah.

6. Ekposisi

Ekposisi inggih menika seratan ingkang ancasipun maparaken, njlentrehaken ( menjelaskan), ngaturaken  informasi  sawijining bab tanpa didhasari supados  pamaos saged  nampi.  Seratan ekposisi dipunginakaken kangge mbabaraken kawruh,langkah - langkah sawijining kagiyatan, metode, cara, kaliyan proses dumadinipun sawijining prastawa utawi bab.

Tuladhanipun :

Mendhem Ari-ari

Mendhem ari-ari iku salah sijining upacara kelairan sing umum diselenggaraake malah uga ana neng dhaerah-dhaerah (suku-suku) liya. Ari-ari iku bagian penghubung antara ibu lan bayi wektu bayi esih neng jero rahim. Istilah liya kanggo ari-ari yaiku: aruman utawa embing-embing (mbingmbing). Wong Jawa percaya yen ari-ari iku sejatine salah siji sedulur papat utawa sedulur kembar si bayi mulane ari-ari kudhu dirawat lan dijaga misale enggon kanggo mendhem ari-ari iku diwei lampu (umume senthir) kanggo penerangan, iki dadi simbol "pepadhang" kanggo bayi.

Senthir iki dinyala'ake nganti 35 dina (selapan).Ari-ari dikumbah nganti resik dilebo'ake neng kendhi utawa bathok kelapa. Sedurung ari-ari dilebo'ake, alas kendhi diwei godhong senthe banjur kendhine ditutup nganggo lemper sing esih anyar lan dibungkus kain mori. Kendhi banjur digendhong, dipayungi, digawa neng lokasi penguburan. Lokasi penguburan kendhi kudhu neng sisi tengen pintu utama umah. Sing mendhem kendhi kudhu bapak kandung bayi.